SHPALLJE
SHOP - Bleni Online
Blog
Kyçuni
Regjistrohuni
POSTO NJË SHPALLJE
Si të çelni ngjyrën e flokëve tuaj në mënyrë natyrale
Kategoria :
Postuar :
14 Janar '15
ID e produktit :
29901
0 Shpërndarje
Përshkrimi :
Ёshtë një dëshirë e shumë vajzave të çelin ngjyrën e flokëve, veçanërisht flokëverdhat. Ato duan të rimarrin ngjyrën e artë natyrale, pa pasur nevojë të përdorin forcën e kimikateve. Ka shumë mjete natyrale, të cilat na lejojnë të marrim një efekt të bukur mbi flokët tona, pa dëmtuar strukturën e tyre duke i dhënë një shkëlqim të ndritshëm.



Të çelësh ngjyrën me limon



Limoni është një zbardhues i shkëlqyer, për shkak të përqendrimit të lartë të citratit dhe vitaminës C. Nuk ka efekte anësore, nuk “djeg” flokët dhe, njëkohësisht redukton problemet të tilla si, zbokthi dhe yndyra e flokëve.

Përgatitja e recetës:

Një lugë (çaji) lëng limoni për çdo 4 litra ujë, dhe bëni shpëlarje të thjeshta, madje edhe të përditshme. Efekti zbardhues do të jetë gradual, por shumë i natyrshëm dhe ngjyra e fituar do të jetë e shkëlqyer. Lëngu i limonit, gjithashtu mund të kombinohet me produkte të tjera natyrore të tilla si, mjalti, vaj ulliri (disa pika), kamomili për një efekt të dyfishtë.



Të çelësh ngjyrën me birrë



Në sajë të përmbajtjes së vitaminës B, birra është e mirë për shëndetin e flokëve. Si përdoret? Ashtu siç e përdorni shampon për të larë flokët tuaj çdo ditë. Në qoftë se era e birrës ju pengon, mund të bëni shpëlarje përfundimtare me uthull molle, e cila do t’i japë shkëlqimin flokëve tuaj.



Të çelësh ngjyrën me kamomil



Lulet e kamomilit janë përdorur gjithmonë për të çelur flokët. Harrojini shampot e supermarketit që përmbajnë “kamomil”, por siguroni/bleni lulet e thara të kamomilit që i shikoni me sytë tuaj.

Përgatitja e recetës:

2-3 lugë lule të thara (masa varet nga gjatësia e flokëve) vlojini në një litër ujë për rreth një çerek ore. Zierja duhet të qëndrojë në pushim gjysmë ore, kullojeni, dhe mbështillini me garzë sterile. Aplikoni në flokë të lagur pas shamponimit për të paktën 15 minuta. Pastaj shpëlajini disa herë me ujë të valuar. Vetëm shpëlarja përfundimtare do të jetë me ujë të thjeshtë. Duke kryer këtë trajtim të paktën një herë në javë, ju do të shihni flokët tuaj gradualisht të marrin një ton më të ëmbëlsuar dhe me shkëlqim.
Informata rreth publikuesit
BioNatural Shop
Prishtinë
049227220
Abonohu tek ky publikues
Më shumë
© 2016 - Peshkuiarte.com Të gjitha të drejtat janë të rezervuara.
Go Daddy Seal
RUANI PËR MË VONË
Abonohu
Shpallja tjetër »