SHPALLJE
SHOP - Bleni Online
Blog
Kyçuni
Regjistrohuni
POSTO NJË SHPALLJE
IMB-Alpha Pharma
Kategoria :
Postuar :
9 Korrik '15
ID e produktit :
89374
0 Shpërndarje
Përshkrimi :
Alpha Pharma është program informatik për depot farmaceutike. Ky program integron prodhimin, tregtimin dhe kontabilitetin e artikujve farmaceutike, në një vënd të vetëm.
Përfitimet kryesore:
Kontrollon gjendjen e inventarit për të gjithë barnat dhe për barna të veçantë, levizjet e tyre në magazinë, për periudha të ndryshme kohore;
Regjistron shpejt, me pak veprime faturat e shitjes/blerjes për barnat brenda dhe jashtë rimbursimit;
Keni të gatshme listën e plotë të barnave të rimbursueshëm, e përditësuar me 56 barna të reja sipas listës së re të hyrë fuqi në prill të 2014;
Është aplikuar heqja e TVSH-së 10%, me hyrjen në fuqi të ligjit të ri për TVSH-në e barnave.
Modulet bazë: raporte , kontabiliteti, inventarë, blerje dhe shitje, klientë dhe furnitorë, arka dhe banka, prodhimi, qendrat e kostos, listëpagesat, amortizimi.
Shërbimi i ofruar: instalimi i programit, seanca trajnimi për punonjësit pranë depos, 3 muaj ndihmë dhe këshillim nga specialistët e IMB-së, importi fillestar i barnave në program, manuale përdorimi dhe video tutoriale pa pagesë.
Funksione kyçe
Regjistron faturat e shitjes/blerjes, likuidimet etj.
Regjistron shpejt faturat duke plotësuar manualisht pak fusha, në një format të thjeshtë dhe të kostumizueshëm sipas dëshirës së përdoruesit.
Regjistron furnizimet me barna duke identifikuar furnitorin, çmimin e blerjes, sasinë etj.
Regjistron dhe kërkon shpejt çdo informacion të nevojshëm për klientët, për barnat dhe furnitorët.
Likuidon klientët/furnitorët automatikisht nga fatura vetëm me një klikim.
Regjistron të dhëna për barnat, klientët, furnitorët
Regjistron barnat të rinj me të dhëna si: kodi/barkodi, data e skadencës, të dhënat për rimbursimin, njësinë bazë (tabletë/ampulë/flakon etj) si dhe njësinë e dytë (blister, kuti), nivelin e tvsh-së etj.
Programi ka të gatshme listën barnave të rimbursueshme të miratuar nga ISKSH-ja.
Mban të dhëna informuese dhe të drejtat ndaj çdo klienti, duke i lidhur në kartelë çmimin e shitjes që aplikohet, zbritjet, kufizimet paralajmëruese/bllokuese të detyrimit, etj.
Mban të dhënat identifikuese dhe detyrimet për çdo furnitorë duke i lidhur kategorinë, afatin e maturimit të detyrimit, kufizimet paralajmëruese/bllokuese të detyrimit, etj.
Regjistron lëvizjet e inventarit dhe kontrollon gjendjen e tyre
Regjistron hyrjet e barnave në magazinë, duke plotësuar shpejt, pak fusha, në një format të thjeshtë fletëhyrje/fletëdalje magazine.
Regjistron daljet e artikujve të skaduar nga magazina dhe transferimin e tyre nga një magazinë në tjetrën.
Importon automatikisht të dhëna masive në program si listë barnash me gjendjet e tyre, fletëhyrjet/fletëdaljet në magazinë.
Ndjek lëvizjet e inventarit nëpërmjet:
Raporteve të hollësishme për gjendjen e inventarit në total, si dhe për barna të veçantë, në periudha të ndryshme kohore;
Raporteve për barnat të cilat janë në sasitë minimale të tyre dhe barnat me sasi maksimale;
Raporteve për gjendjen e magazinës sipas datave të skadencës së barnave, etj.
Kontabilizon dokumentet
Me Alpha Pharma kontabilizimi i dokumenteve është i thjeshtë dhe automatik.
Raportet e kontabilitetit përmblidhen në një seksion të veçantë, regjistrim për regjistrim si dhe të përmbledhura: Bilanci kontabël, PASH, Cash flow, etj.
Punon me planin aktual të llogarive kontabël mbështetur në SKK, i cili përditësohet çdo herë që ka ndryshime në legjislacion.
Përmban skema të gatshme kontabilizimi për pjesën më të madhe të veprimeve: shitje, blerje, arkëtime/pagesa, magazina, si dhe listëpagesa, prodhimi, amortizimi, qendrat e kostos, etj.
Punon në disa ndërmarrje njëkohësisht, pa asnjë kufizim apo përplasje të dhënash.
Ndjek ecurinë e depos nëpërmjet raportimit
Me modulin e raporteve merr në çdo kohë një pamje të plotë të aktivitetit tuaj, duke ndihmuar të merrni vendimet e duhura.
Raporte zyrtare: PASH 1, PASH 2, bilanci, rrjedhja e parasë (“cash flow”) etj., me formate të ndryshueshme, sipas nevojës vetjake.
Raportet standarde të rimbursimit, raporte për shitjet/blerjet e barnave, për kontrollin e inventarit, për likuidimet e faturave.
Raportet kanë një numër të madh filtrash, eksportohen në formate jashtë programit, printohen, shfaqen në forma të ndryshme etj.
Administron procesin e prodhimit të barnave
Moduli i prodhimit në Alpha Pharma kontrollon lëndët e para, materialet ndihmëse dhe të gjithë procesin e prodhimit të barnave.
Mban të dhëna të plota për përbërësit e produktit të prodhuar (recepturat) si: të dhëna për kodin, deri në dy njësi matjeje, si dhe të dhëna të tjera për peshën, furnitorin, grupin, origjinën etj.
Mban të dhëna të plota për produktin përfundimtar, duke përcaktuar sasitë fikse të recepturave.
Merr koston reale të produktit duke identifikuar firot dhe humbjet gjatë prodhimit.
Merr raporte të shumta për kontrollin e lëndëve të para dhe konsumit të tyre, për kostot e lëndëve të para, firot, skarcot.
Administron listëpagesat, pagat e punonjësve tuaj
Funksioni i listëpagesave në Alpha Pharma mundëson administrimin e të gjithë komponentëve të burimeve njerëzore që nga rekrutimi i punonjësve deri te llogaritja e pagës neto. Ky është funksioni i duhur për bizneset me një numër relativisht të madh punonjësish.
Gjeneron formatet zyrtare të raporteve dhe pasqyra të tjera përmbledhëse për të gjithë punonjësit dhe për secilin në veçanti, duke identifikuar zërat e listëpagesës (sig. shoq., sig. shënd., tap-i, shtesat dhe ndalesat, paga neto), si dhe të dhëna të tjera për punonjësit (llogaria bankare, data e fillimit dhe largimit nga punës, të dhëna identifikuese etj.).
Është ndërtuar sipas legjislacionit shqiptar për sigurimet shoqërore & shëndetësore dhe përditësohet në varësi të ndryshimeve të tij.
Regjistron shpejt listëpagesa 15-ditore dhe mujore duke plotësuar manualisht pak fusha.
Kontabilizon automatikisht procesin e listëpagesave duke lënë shumë pak vënd për veprime manuale.
Ruan historikun e punësimeve për çdo punonjës (ditën e fillimit dhe largimit nga puna, ndryshimet e pagës ndër vite etj.).
Kërkesa teknike
Informata rreth publikuesit
IMB
Prishtinë
044 177 111
Prishtinë [harta]
Abonohu tek ky publikues
Më shumë
© 2016 - Peshkuiarte.com Të gjitha të drejtat janë të rezervuara.
Go Daddy Seal
RUANI PËR MË VONË
Abonohu
Shpallja tjetër »